SAOTHAR NA SEACHTAINE | 21 Eanáir 2019

CAG.102 Harry Clarke, St Agnes Roundel (Design for the Eve of St Agnes window), c.1923, peann luaidhe, uiscedhath agus gouache ar pháipéar, trastomhas 17 cm. Ceannaithe, an tEalaíontóir, 1924 (Ciste Tiomnachta Gibson).

Déan dearmad ar ísle brí an Luain, cuir gliondar ar do chroí, caith tamall ag féachaint ar an saothar gleoite seo le Harry Clarke!

Áirítear St Agnes Roundel i measc ceann amháin de 18 n-uiscedhath fíoráille atá inár mbailiúchán ina rianaítear dearadh an ealaíontóra dá mhórshaothar, fuinneog The Eve of St Agnes (1924).

Sa staidéar seo léirítear San Aignéas, nuair a bhí sí ina bean óg, suite síos i suíomh na loiteoige (padmasana), fianaise go raibh an t-ealaíontóir ag díriú ar fhoinsí ón Oirthear agus ón Iarthar. Tá pailm na mairtíreachta ina lámh chlé, agus tá leabhar naofa agus a saintréith, uan, taobh lena hucht. Tá ainm an naoimh seo bunaithe ar na bhfocal Gréigise hagnē, a chiallaíonn geanmnaí nó geanasach, agus a bhfuil cosúlacht foghraíochta idir é agus agnus, an focal Laidine le haghaidh uan.

An raibh a fhios agat: Martraíodh San Aignéas na Róimhe (c.291-c.304) nuair a bhí sí 13 bhliain d'aois agus is í naomhphátrún na maighdean, íospartaigh an éignithe, lánúineacha geallta agus Banghasóg. Inniu a lá féile.

Tá an saothar seo le feiceáil mar chuid de DREAMING IN BLUE: Harry Clarke Watercolours, a bheidh ar siúl go dtí an 14 Feabhra 2019 inár nGailearaithe Nua-aimseartha (Urlár 2).

As Bearla

• Facebook
• Instagram
• Twitter
• LinkedIn
• YouTube