SAOTHAR NA SEACHTAINE | 1 Aibreán 2019

CAG.2254 Gerard Dillon, Stunts, colláis le páipéar, 30 x 56 cm. Bronnta, 2006 (Bailiúchán Great Southern). © eastát an ealaíontóra.

Is é an aidhm atá leis an SAOTHAR NA SEACHTAINE seo lúcháir a chur ar gach duine!

Seans maith go mbeidh tú den tuairim gur fógra don dísreach ceoil leictreonaigh, Daft Punk, é an íomhá seo. Is éard atá sa saothar seo, leis an teideal simplí, Stunts, áfach, colláis atá déanta ag Gerard Dillon (1916-1971). Is éard atá cruthaithe ag an ealaíontóir seo a rugadh i mBéal Feirste, comhdhéanamh beoite, teibí ina bhfuil dhá fhigiúr le feiceáil agus madra, iad ar fad ag glacadh páirt i dtaispeántas acrabataice.

Is ionann an bheirt fhigiúirí a bhfuil masc á chaitheamh acu - bunaithe ar charachtar Pierrot - agus gné a thugtar faoi deara i saothar Dillon arís agus arís eile a sheasann don uaigneas de ghnáth, ach sa chás seo, is tagairt do chomhluadar atá i gceist. I ngeamaireachtaí agus commedia dell’arte, go minic is é Pierrot an t-ábhar magaidh agus is air a bhíonn bob a bhualadh, ach is figiúr lán truamhéala é freisin, an t-ealaíontóir dáiríre nó an strainséir.

Bhí an méid seo a leanas le rá ag Riann Coulter, ‘mar ealaíontóir, náisiúnach ón tuaisceart agus fear aerach, bhí neart rudaí ag déanamh imní dó [Dillon], lena n-áirítear cumhacht na hEaglaise Caitlicí, mí-úsáid ceart sibhialta sa Tuaisceart, coimeádachas sóisialta ar fud na hÉireann agus smachtbhannaí an Stáit ar homaighnéasacht.’ Dá réir sin, tá déine mhothúchánach le tabhairt faoi deara sa cholláis seo, a bhfuil cuma shimplí uirthi ar an gcéad amharc, go háirithe má dhírítear ar an úsáid a bhaineann Dillon as an gcruth dearg dúrúnda (méarlorg?) i lár a chomhdhéanaimh.

Is cosúil, dá réir sin, go bhfuil Dillon ag díriú ar smaointe a bhaineann le féiniúlacht, taibhiú agus idirghníomhaíocht shóisialta in Stunts. Dá ainneoin sin, áfach, cinntíonn an t-ealaíontóir go bhfuil cothromaíocht idir an t-ábhar sin ar fad, díreach cosúil lena héachtóirí, agus cáilíochtaí spraíúla agus máistriúla níos soiléire.

Tá Stunts le Gerard Dillon á thaispeáint mar chuid de HEROES & VILLAINS, a bheidh ar taispeáint go dtí an 14 Aibreán 2019.

As Bearla

• Facebook
• Instagram
• Twitter
• LinkedIn
• YouTube