Cuireann Stiúideonna Tacaíochta Crawford agus Gailearaí LHQ Chomhairle Contae Chorcaí This is Ireland i láthair, taispeántas beo bríomhar d’ealaíontóirí a oibríonn laistigh de shuíomhanna stiúideo tacaíochta. Beidh saothair 16 ealaíontóir faoi mhíchumas le feiceáil sa taispeántas idir an Aoine, 6 Márta agus an Aoine, 24 Aibreán 2026 agus tugtar léargas cumasach ann a thugann dúshlán do steiréitíopaí.
I measc na n-ealaíontóirí a thaispeánann an obair tá: Judit Bakos, Ailbhe Barrett, Angela Burchill, Yvonne Condon, David Connolly, Bríd Heffernan, Eoin O’Brion, John Keating, Mary Rose Marshall, Rosaleen Moore, Nicola Moran, Stephen Murray, Íde Ní Shúilleabháin, Tom O’Sullivan, Marie Sexton, and Katie Whelan. Tá a gcleachtas forbartha ag gach aon duine acu trí Stiúideonna Tacaithe Crawford a sholáthraíonn spás ealaíne cruthaitheach marthanach trí thacaíocht theicniúil, ealaíonta, rochtain agus líonraí.
Beidh This is Ireland ar oscailt ón Aoine, 6 Márta agus beidh sé ar taispeántas go dtí an Aoine, 24 Aibreán i nGailearaí LHQ. Beidh clár imeachtaí mar chuid den Fhéile Foghlama ar Feadh an tSaoil i gcomhar leis an taispeántas seo (cliceáil ansea chun tuilleadh eolais a fháil).
Bíonn LHQ Gailearaí ar oscailt ó Luan go hAoine 9am-5.30pm, seachas laethanta saoire poiblí. Is é Gailearaí LHQ a bhainistíonn Seirbhís Leabharlainne agus Ealaíon Chomhairle Contae Chorcaí, a fhaigheann tacaíocht ón gComhairle Ealaíon.
Tá Stiúideonna Tacaíochta Crawford fréamhaithe le tionscadal comhpháirtíochta idir Coláiste Ealaíne is Deartha MTU Crawford agus Gailearaí Ealaíne Crawford, le tacaíocht leanúnach ó Oifig Ealaíne Chomhairle Cathrach Chorcaí.
