Gail Ritchie, Time A Structure of Nothingness, 2022 © the Artist, Grianghraf: Simon Mills

Crosbhealach na hEalaíne agus Smaointe thar na hAoiseanna.

Fáilte chuig Gailearaí Ealaíne Crawford

Radharc lasmuigh de Ghailearaí Crawford Chorcaí. Grianghraf: Marcin Lewandowski

Is institiúid chultúrtha náisiúnta é Gailearaí Ealaíne Crawford atá suite i bhfoirgneamh oidhreachta suntasach i gcroílár chathair Chorcaí atá tiomnaithe do na hamharc-ealaíona.

Tá bailiúchán de thábhacht náisiúnta lonnaithe sa Ghailearaí a léiríonn scéal spéisiúil de Chorcaigh agus d’Éirinn le trí haois anuas, fad is a chuirtear clár spleodrach agus bríomhar de thaispeántais shealadacha ar fáil freisin.

Is í an tarraingt turasóireachta is mó i gCathair Chorcaí é Gailearaí Ealaíne Crawford. Tá sé ar oscailt seacht lá na seachtaine, tá an cead isteach saor in aisce agus ní mór do mhuintir na háite agus do thurasóirí araon é a fheiceáil.

Tógtha sa bhliain 1724 mar theach custaim na cathrach, tá na Múnlaí Canova cáiliúla lonnaithe sa teach, tugtha mar bhronntanas go cathair Chorcaí dhá chéad bliain ó shin. Tá os cionn 3,000 saothar le feiceáil i mbailiúchán an ghailearaí, saothair cháiliúla ó ealaíontóirí Éireannacha ar nós James Barry, Harry Clarke, Mainie Jellett, Seán Keating, Daniel Maclise, Norah McGuinness, Edith Somerville, agus Jack B. Yeats, chomh maith le healaíontóirí comhaimseartha ar nós Gerard Byrne, Maud Cotter, Dorothy Cross, Eilis O’Connell, agus Hughie O’Donoghue.

Gach Domhnach agus Laethanta Saoire Bainc ag 2:00pm
Gach Déardaoin ag 6:30pm

Saor in aisce do gach cuairteoir | Ní gá áirithint a dhéanamh

Tá an tionscadal seo ag tacú le Geilleagar Oíche agus tá sé á mhaoiniú ag an Roinn Turasóireachta, Cultúir, Ealaíon, Gaeltachta, Spóirt agus na Meán.

A MATTER OF TIME

17 Feabhra – 5 Meitheamh

GAILEARAITHE ÍOCHTARACH AGUS UACHTARACH

Déanann A Matter of Time machnamh ar an aimsearthacht laistigh de speictream leathan ag díriú ar eispéireas an duine. Tá an t-am mar chuid den chaoi a smaoinímid ar an domhan agus ar ár saolta. Is féidir le ham a bheith diomailteach, buan, luachmhar agus deacair teacht air. Ach, is tréith lárnach de chumhacht, rialú, caipitleachas, moráltacht agus creideamh é an t-am freisin.

Sa mhórthaispeántas seo ina bhfuil os cionn seasca saothar le ceithre ealaíontóir Éireannacha agus Idirnáisiúnta is fiche - tá téamaí den athrú aeráide, den náisiúnachas, den iarchoilíneachas, den leithreasú, den chuimhne, den tsláinte, den uirbeachas, den mhachnamh, den athbheochan, den dóchas, agus den oidhreacht.

Ealaíontóirí:
Darren Almond, Kevin Atherton, Sara Baume, Cecily Brennan, Ursula Burke, Elaine Byrne, Gary Coyle, Dorothy Cross, Jamie Cross, Mollie Douthit, Amanda Dunsmore, Joy Gerrard, Rula Halawani, Rebecca Horn, Austin Ivers, Nick Miller, Brian O’Doherty, Kathy Prendergast, Gail Ritchie, Patrick Scott, Naomi Sex, Yinka Shonibare, Nedko Solakov, Phillip Toledano agus Daphne Wright.

Light and Shade

9 Márta – 14 Aibreán

An Seomra Fada

William John Leech (1881 - 1968) Reflections c.1930, ola ar chanva, 47 x 55 cm.

Tá 26 saothar ó bhailiúchán fairsing an ghailearaí san áireamh sa taispeántas seo a ainmnítear i ndiaidh an tsaothair Light and Shade, Youghal le Soirle MacCana.

Tá téama an earraigh le brath ar an taispeántas: séasúr na hathnuachana, tréada ar féarach, fás nua sna gairdíní agus, le cúnamh Dé, triomach breá.

Is deis iontach an taispeántas seo eolas a chur ar chuid de na saothair agus de na healaíontóirí inár mbailiúchán nach bhfuil an oiread sin clú orthu agus ar ndóigh taitneamh a bhaint as an síneadh breá tráthnóna.

Wiff Waff is Playing at my Gaff*

13 Meitheamh – 7 Iúil

An Gailearaí Uachtarach

‘Wiff Waff is Playing at My Gaff‘ Grianghraf: © Davey

Bí linn do chluiche craiceáilte leadóige boird! Cuireadh tús leis i mBaile Átha Cliath in 2012, agus tar éis dó dul i bhfeidhm go mór ar chuid de na hinstitiúidí móra le rá ansin, tá sé á thabhairt taobh amuigh de Bhaile Átha Cliath den chéad uair.
Beidh deis agat imirt ar Bhoird Chraiceáilte, déanta ag ealaíontóirí, ó Bhailiúchán Náisiúnta na mBord Nuaga Leadóige atá ag cur gáire (agus frustrachais!) ar imreoirí agus ar lucht féachana ó thosaigh King Ping Pong á gcoimisiúnú. Beidh corr-chomórtas ar siúl againn freisin!

Fís fiabhrais de chuid an choimeádaí Davey Moor is ea King Ping Pong.

*Sean-ainm a thugtaí ar leadóg bhoird is ea Wiff Waff

FROM SOURCE TO SEA

22 Meitheamh – 22 Meán Fómhair

GAILEARAITHE GIBSON

George Petrie, Gougane Barra, Co. Cork, 1835.

Leanann an taispeántas seo cúrsa na Laoi óna foinse i gCnoic na Seithe agus i nGuagán Barra san iarthar chomh fada le Cuan Chorcaí, an áit a dtéann sí isteach sa Mhuir Cheilteach.
Tá saothair ó an 1750í i leith san áireamh sa taispeántas, ina dtugtar léargas ar an abhainn agus ar na scéalta a bhaineann léi.
Déanann na saothar ón mbailiúchán FROM SOURCE TO SEA, idir shaothair stairiúla agus chomhaimseartha, ceiliúradh ar chultúr na Laoi agus a fo-aibhneacha.

CLARE LANGAN: The Heart of a Tree

14 Márta – 28 Aibreán

GAILEARAITHE DEALBHÓIREACHTA

© Clare Langan, The Heart of a Tree, stadán scannáin, 2020

Lón machnaimh atá sa scannán seo ar ról lárnach na gcrann – fathaigh an dúlra – i saol na cruinne, agus inár saol féin.

Lonnaithe ar thírdhreach lom gan chrainn, léirítear i The Heart of A Tree (2020) domhan na todhchaí ina ndéanann daoine iarracht maireachtáil i dtimpeallacht sceirdiúil, ag cruinniú aeir – an t-ór nua – agus ag cur crann ar thrá fholamh dhubh, ag súil gur féidir an domhan a athdhaonrú leis an bhfoinse ocsaigine seo.

Léirítear i scannán Langan domhan na todhchaí inar éabhlóidigh agus inar oiriúnaigh daoine daonna le go mairfidís, agus breathnaítear ar an dícheangal idir an duine daonna agus an nádúr.

Recasting Canova

Leanúnach

GAILEARAITHE DEALBHÓIREACHTA

Recasting Canova. Grianghraf:: Jed Niezgoda.

Déanann Recasting Canova ceiliúradh ar dhá chéad bliain de Mhúnlaí Canova, an bronntanas gradamúil atá mar bhunús dár mbailiúchán. Taispeántas bríomhar agus spreagúil den dhá mhúnla stairiúil déag a bheidh i gceist. Cruthaíodh na múnlaí seo, ar macasamhla dílse iad de dhealbha móra le rá ó na cianaoiseanna agus ó na 1800í luatha, faoi stiúir an dealbhóra mhóir nuachlasaicigh Antonio Canova (1757-1822).

Deis iontach é Recasting Canova do chuairteoirí eolas a chur ar an gcuid shuimiúil seo de ré Napoléon agus breathnú ar stíl chlasaiceach na Sean-Ghréige agus na Sean-Róimhe, ar an tionchar a bhí aici ar an ealaíon a tháinig ina diaidh agus ar an gcaoi a ndearna ealaíontóirí aithris, athshamhlú agus athmhúnlú ar an idé den fhoirfeacht a léirítear inti.

JAN MCCULLOUGH
Night Class

13 Aibreán – 9 Meitheamh

Gailearaithe Gibson

© Jan McCullough

CURTIN // KEATING
Sit Stand Smoke

26 Aibreán – 5 Bealtaine

An Seomra Fada

© Linda Curtin agus David Keating

BRIAN TEELING AGUS JENNIE TAYLOR
In the glow of a frozen flame

16 Bealtaine

Foilseachán clóite agus ar líne

© Brian Teeling

URSULA BURKE
These Fragile Monuments

25 Bealtaine – 21 Iúil

Gailearaithe Dealbhóireachta

© Ursula Burke

Tabhair faoi deara, le do thoil, go raibh dátaí na dtograí ceart nuair a priontáladh é. Féach ar ár suíomh gréasáin, le do thoil, chun uasdátú a fháil: www.crawfordartgallery.ie

Grianghraf: ©Provision Photography

CAINTEANNA EALAÍONTÓIRÍ AGUS IMEACHTAÍ TAISPEÁNTAIS
Seans chun cláir thaispeántais a fhiosrú go domhain

TURAIS DO SCOILEANNA AGUS DO GHRÚPAÍ
Cuir turas díograiseach in áirithe chun níos mó eolais a fháil faoin mbailiúchán agus na taispeántais

CLÁR TEAGHLAIGH
Bí ag faire amach do cheardlanna atá oiriúnach do theaghlaigh atá le teacht

Meascán maith de chumha i ndiaidh an tseansaoil agus de nua-aimsearthacht. Seomra bia clasaiceach ón seansaol i gcroí cultúrtha Chorcaí a mheascann earraí traidisiúnta bia le taobh treochtaí comhaimseartha. Na hearraí is fearr ó Chorcaigh agus ó Éirinn, agus iad cóireáilte le lámh éadrom ó na cócairí atá tiomanta blas agus simplíocht a chinntiú.

Uaireanta Oscailte
Oscailte 6 Lá na seachtaine

CAIFE & MILSEÁIN
Dé Luain – Dé Sathairn
10r.n. –11.15r.n.

LÓN
Dé Luain – Dé Sathairn
12i.n. – 3i.n.
Orduithe deireanacha 2.30i.n.

Déan teagmháil linn
Guthán: 021 241 0929

Gailearaí Crawford Chorcaí. Grianghraf: Jed Niezgoda

Uaireanta Oscailte
Ar oscailt gach lá
Luan go Satharn 10.00am - 5.00pm
Déardaoin go dtí 8:00pm
Domhnach agus Laethanta Saoire Bainc
11am – 4pm

Is Carthanacht Chláraithe é Gailearaí Crawford Chorcaí.
Uimhir Charthanais: CHY 18818.