Tá fás ag teacht ar chathair Chorcaí agus ar Ghailearaí Ealaíne Crawford leis. 

Tá tionscnamh spreagúil athfhorbartha ar fiú na milliúin euro ceadaithe ag an Roinn Turasóireachta, Cultúir, Ealaíon, Gaeltachta, Spóirt agus Meán do Ghailearaí Ealaíne Crawford. 

Foireann ildisciplíneach faoi stiúir na hailtirí gradamúla Grafton Architects a dhear an tionscnamh agus is Oifig na nOibreacha Poiblí agus Gailearaí Ealaíne Crawford a chuirfidh an tionscnamh i gcrích.

Ceann d’Institiúidí Cultúrtha Náisiúnta na hÉireann é Gailearaí Ealaíne Crawford agus coinnítear breis agus 3,500 saothar ealaíne ón mBailiúchán Náisiúnta ann. Tá stair trí chéad bliain ag baint le foirgnimh an Ghailearaí atá lonnaithe i lár na cathrach, arb é sciathán Theach na gCustam a tógadh i 1724 an ceann is sine acu. 

Baineann gné thábhachtach caomhnaithe agus cosanta leis an tionscnamh uaillmhianach athfhorbartha seo chun an foirgneamh a choinneáil do na glúnta atá le teacht, chomh maith le spásanna nua spreagúla cultúrtha a chruthú. 

San áireamh san athfhorbairt beidh: 

• Méadú 50% ar an spás iomlán 
• síneadh úrnua 32m ar chúl an fhoirgnimh
• Urlár uachtair nua le radharc ar shainchomharthaí íocónacha Chorcaí.
• Bealach isteach ar Phlás Emmet, an bealach isteach stairiúil a bhí i dTeach na gCustaim. 
• Gairdín tírdhreachaithe nua chun tosaigh.
• Dhá urlár de stóras úrscothach ealaíne don bhailiúchán. 
• Áis nua Learn & Explore a reáchtálfar ranganna, ceardlanna agus cláir eile for-rochtana ann.
• Leithris nua ar roinnt urlár agus áiseanna inrochtana friothála naíonán. 
• Bialann nua le bealach isteach ó Half Moon Street. 
• Ardaitheoir mór nua a fheabhsóidh cúrsaí rochtana. 
• Tuilleadh rialtán teochta agus solais agus “Teicneolaíochtaí Carbóin Ísil/Carbóin Nialasaigh” (LZC) chun an fhoirgneamh a dhícharbónú. 
• Oibreacha riachtanacha caomhnaithe ar an bhfoirgneamh, go háirithe ar éadan tosaigh an fhoirgnimh, ar Ghailearaí na nDealbh, ar an adhmadóireacht, ar na staighrí agus ar na ráillí taobh amuigh.  

Dúnfar Gailearaí Ealaíne Crawford don phobal i bhfómhar 2024, chun tús a chur leis an athfhorbairt dhá bhliain go leith.

Tá an bailiúchán ar fad á bhogadh go cúramach chuig áis stórála eile, agus mionseiceálacha reachta agus clúdach á ndéanamh le cinntiú go dtabharfar aire na gloine do na saothair speisialta seo. Leanfaidh sainchoimeádaithe ag tabhairt aire don bhailiúchán le linn an dúnta phoiblí.  

Táthar ag súil faoi láthair go ndéanfar an gailearaí a athoscailt in 2027.

Más maith leat uasdátuithe a fháil maidir leis an tionscnamh le linn an dúnta, cláraigh dár nuachtlitir nó lean muid ar na meáin shóisialta.