Mainie Jellett, Abstract Composition, c.1935.

Crosbhealach na hEalaíne agus Smaointe thar na hAoiseanna.

Teachtaireacht ónár Stiúrthóir

Mary McCarthy.  Grianghraf: Clare Keogh

Tá Gailearaí Ealaíne Crawford ag ullmhú d’athrú mór agus muid ag réiteach dár mór-athfhorbairt in 2025. Beidh an tionscadal seo faoi stiúir Ailtirí Grafton (Grafton Architects) a bhfuil gradaim bainte amach acu i gcomhar le hOifig na nOibreacha Poiblí agus an Roinn Turasóireachta, Cultúir, Ealaíon, Gaeltachta, Spóirt agus na Meán faoin bPlean Forbartha Náisiúnta.

Cuirfidh an tionscadal athfhorbartha le líon na spásanna nua taispeántais, na gclár Foghlaim agus Fiosraigh agus cuirfidh sé le cúram agus stóráil an bhailiúcháin chomh maith. Chun na pleananna seo a chur i bhfeidhm, beidh orainn ár ndoirse a dhúnadh don phobal ar feadh tréimhse 2 bhliain agus táimid ag ullmhú ár mbailiúchán d’os cionn 3,000 saothar ealaíne a bhogadh as an ngailearaí. Tá muid ag súil lenár ndul chun cinn a roinnt leat sa tréimhse chorraitheach seo. Bí cinnte clárú dár nuachtlitir chun an nuacht is déanaí a fháil.

Idir an dá linn, beidh neart deiseanna agat ár mbailiúcháin a fheiceáil sula ndúnfaimid. Tá ár dtaispeántais is déanaí FROM SOURCE TO SEA agus Now You See It... ag cur na saothair ealaíne is fearr lenár bpobal ar taispeáint, faoi mar a roghnaigh sibh féin! Beidh clár imeachtaí gnóthach againn do Sheachtain na hOidhreachta agus don Oíche Chultúir, mar sin tabhair cuairt orainn le linn an tsamhraidh.

Mar is gnách, táimid an-bhuíoch as tacaíocht agus spéis an phobail a bhíonn á léiriú inár gcuid oibre.

Mary McCarthy
Stiúrthóir Ghailearaí Ealaíne Crawford

Now You See It…

20 Iúil – 15 Méan Fómhair

An Gailearaí Uachtarach, An Seomra Fada agus Gailearaithe Nua- Aimseartha

© Murdo MacLeod, Portrait of Roy Keane (detail), 2002.

Tugtar cuireadh duit chuig an seisiún deireanach de thaispeántais sula gcuirfear tús le mór-athfhorbairt Ghailearaí Ealaíne Crawford i bhfómhar 2024.

Mar sin, tapaígí an deis agus cuir eolas arís ar shaothair ealaíne ón mBailiúchán sula mbeidh sé ródheireanach. Tá réimse de phictiúir agus de dhealbha agus de ghrianghrafadóireacht le trí chéad bliain anuas ar taispeáint ar fud an ghailearaí. Baineann an taispeántas le saothair ealaíne a roghnaigh an pobal tríd an bhfeachtas You Tell We Show!

Now You See It…

FROM SOURCE TO SEA

22 Meitheamh – 22 Meán Fómhair

GAILEARAITHE GIBSON

George Petrie, Gougane Barra, Co. Cork, 1835.

Leanann an taispeántas seo cúrsa na Laoi óna foinse i gCnoic na Seithe agus i nGuagán Barra san iarthar chomh fada le Cuan Chorcaí, an áit a dtéann sí isteach sa Mhuir Cheilteach.
Tá saothair ó an 1750í i leith san áireamh sa taispeántas, ina dtugtar léargas ar an abhainn agus ar na scéalta a bhaineann léi.
Déanann na saothar ón mbailiúchán FROM SOURCE TO SEA, idir shaothair stairiúla agus chomhaimseartha, ceiliúradh ar chultúr na Laoi agus a fo-aibhneacha.

Wiff Waff is Playing at my Gaff*

13 Meitheamh – 7 Iúil

An Gailearaí Uachtarach

‘Wiff Waff is Playing at My Gaff‘ Grianghraf: © Davey

Bí linn do chluiche craiceáilte leadóige boird! Cuireadh tús leis i mBaile Átha Cliath in 2012, agus tar éis dó dul i bhfeidhm go mór ar chuid de na hinstitiúidí móra le rá ansin, tá sé á thabhairt taobh amuigh de Bhaile Átha Cliath den chéad uair.
Beidh deis agat imirt ar Bhoird Chraiceáilte, déanta ag ealaíontóirí, ó Bhailiúchán Náisiúnta na mBord Nuaga Leadóige atá ag cur gáire (agus frustrachais!) ar imreoirí agus ar lucht féachana ó thosaigh King Ping Pong á gcoimisiúnú. Beidh corr-chomórtas ar siúl againn freisin!

Fís fiabhrais de chuid an choimeádaí Davey Moor is ea King Ping Pong.

*Sean-ainm a thugtaí ar leadóg bhoird is ea Wiff Waff

Artists’ Film International

4 Iúil – 22 Méan Fómhair

Seomra Teilgin

Mary Sullivan ‘The Fine Line’ (2023) still image, Grianghraf: Mickael Do Couto
© the Artist

Is comhthionscadal é Artists’ Film International lena bhfuil baint ag scannánaíocht, físeán agus beochan ar fud na cruinne. Bunaíodh é i nGailearaí Whitechapel, Londain in 2008, agus tá 15 comhpháirtí ag AFI anois ar fud an domhain. Roghnaíonn gach eagraíocht saothar oibre corraitheach a tháinig amach le deireanaí ó ealaíontóir óna ceantar féin a roinnfear agus a chuirfear ar scáileán i measc an líonra.

I mbliana, mar fhreagra ar an téama ‘Cur le Chéile’ nó ‘Solidarity’, thug Gailearaí Ealaíne Crawford cuireadh don ealaíontóir Mary Sullivan, as an tOileán Mór ó dhúchas, a scannán The Fine Line (2022) a chur i láthair. Agus é saibhir ó thaobh radharc de, tá an scannán fíneálta ach le neart ábhair le machnamh faoi obair agus saoil na nglúnta de mhná ón oileán nach raibh le feiceáil go minic, gan aitheantas tugtha dóibh agus iad neamhíoctha. Cuirfear na scannáin i láthair mar chur i láthair lúbtha a athrófar gach ceithre seachtaine.

Recasting Canova

Leanúnach

GAILEARAITHE DEALBHÓIREACHTA

Recasting Canova. Grianghraf: Jed Niezgoda.

Déanann Recasting Canova ceiliúradh ar dhá chéad bliain de Mhúnlaí Canova, an bronntanas gradamúil atá mar bhunús dár mbailiúchán. Taispeántas bríomhar agus spreagúil den dhá mhúnla stairiúil déag a bheidh i gceist. Cruthaíodh na múnlaí seo, ar macasamhla dílse iad de dhealbha móra le rá ó na cianaoiseanna agus ó na 1800í luatha, faoi stiúir an dealbhóra mhóir nuachlasaicigh Antonio Canova (1757-1822).

Deis iontach é Recasting Canova do chuairteoirí eolas a chur ar an gcuid shuimiúil seo de ré Napoléon agus breathnú ar stíl chlasaiceach na Sean-Ghréige agus na Sean-Róimhe, ar an tionchar a bhí aici ar an ealaíon a tháinig ina diaidh agus ar an gcaoi a ndearna ealaíontóirí aithris, athshamhlú agus athmhúnlú ar an idé den fhoirfeacht a léirítear inti.

Caith súil ar Chonair Ealaíne an Ghailearaí nua do Leanaí!

Tá ár nGailearaí mar thearmann d’os cionn 3,000 saothar ealaíne náisiúnta do leanaí ar gach aois le haimsiú. Tugann an ghníomhaíocht theagmhálach seo spreagadh do leanaí a gcruthaitheacht a léiriú agus iad ag foghlaim faoi na saothair éagsúla atá ar taispeáint sa Ghailearaí. Tá na leabhráin seo saor in aisce, agus tá siad ar fáil le piocadh suas ar fud an Ghailearaí. Is féidir pinn luaidhe a aimsiú ónár ndeasc slándála.

BRIAN TEELING AGUS JENNIE TAYLOR
In the glow of a frozen flame

16 Bealtaine – 21 Iúil

Foilseachán clóite agus ar líne

© Brian Teeling

URSULA BURKE
These Fragile Monuments

25 Bealtaine – 21 Iúil

Gailearaithe Dealbhóireachta

© Ursula Burke

© Clare Keogh

Grianghraf: ©Provision Photography

CAINTEANNA EALAÍONTÓIRÍ AGUS IMEACHTAÍ TAISPEÁNTAIS
Seans chun cláir thaispeántais a fhiosrú go domhain

TURAIS DO SCOILEANNA AGUS DO GHRÚPAÍ
Cuir turas díograiseach in áirithe chun níos mó eolais a fháil faoin mbailiúchán agus na taispeántais

CLÁR TEAGHLAIGH
Bí ag faire amach do cheardlanna atá oiriúnach do theaghlaigh atá le teacht

Tá an Green Room Café ag an Crawford dúnta anois.

Beidh an Gailearaí ag fanacht oscailte do chuairteoirí 7 lá na seachtaine go dtí an fómhar nuair abheimid ag dúnadh na doirse don phobal i gcomhair tionscadal athfhorbartha caipitil.

Teachtaireacht ó oibreoirí an Green Room Café:
“Bhí ról iontach ag an gcaifé mar chuid de thaithí an Ghailearaí agus ba mhaith linn buíochas a ghabháil leis na húinéirí agus leis an bhfoireann as a gcuid oibre agus as a ndúthracht. Go n-éirí go geal leo sa todhchaí amach rompu.”

Bí mar chuid de chlár ballraíochta Chairde Ghailearaí Ealaíne Crawford: is bealach spraíúil, sóisialta, cruthaitheach agus oideachasúil é le páirt a ghlacadh i dtaispeántais agus in imeachtaí ag an nGailearaí! Cuirtear fáilte roimh bhaill páirt a ghlacadh i gclár imeachtaí lena n-áirítear cainteanna, réamhléirithe taispeántais, agus turais phríobháideacha.

Déan teagmháil linn
Guthán: +353 (0) 21 490 7864

Gailearaí Crawford Chorcaí. Grianghraf: Jed Niezgoda

Uaireanta Oscailte
Ar oscailt gach lá
Luan go Satharn 10.00am - 5.00pm
Déardaoin go dtí 8:00pm
Domhnach agus Laethanta Saoire Bainc
11am – 4pm

Is Carthanacht Chláraithe é Gailearaí Crawford Chorcaí.
Uimhir Charthanais: CHY 18818.